Press Enter / Return to begin your search.

Opnunarhátíð Plastlauss septembers

Markaður og fræðsla í Ráðhúsi Reykjavíkur

1. september 2018, frá kl. 12 til 16.

Þann 1. september n.k. mun árvekniátakið Plastlaus september hefjast með opnunarhátíð í Ráðhúsi Reykjavíkur frá kl. 12-16. Í salnum verður markaður með plastlausar vörur auk kynningarbása þar sem hægt er að fá hugmyndir og fræðast. Umhverfisráðherra setur átakið og sendiherra ESB á Íslandi mun segja frá stefnu sambandsins í plastmálum. Landspítalinn og Farfuglar miðla af sinni reynslu í umhverfismálum. Gró Einarsdóttir, félags- og umhverfissálfræðingur, flytur erindi. 

Þetta er kjörið tækifæri til að kynna sér fyrstu skrefin í minni plastnotkun og flokkun. Einnig geta þeir sem eru byrjaðir að minnka plastnotkun fengið hugmyndir að næstu skrefum.

Aðgangur ókeypis og allir hjartanlega velkomnir.

Söluaðilar á markaðnum:
Bambus
Mena
Mistur
Græn viska
Klaran
Hrísla
Matarbúr Kaju
Handverk Huldu Bjargar
Styngvi
VON product

Fræðslubásar:
Landvernd
Leikskólinn Fífuborg
Plastlaus September
Pokastöðvar á Íslandi
Sendinefnd ESB
Sorpa
Umhverfisstofnun

  • Svo gaman að fá gjafir í fjölnota umbúðum.
  • Erum þvílíkt stolt að vera partur af þessu verkefni. Hvetjum alla að fara inn á ust.is til að kynna sér málið frekar og senda inn ábendingar. #ust #bláskelin
  • Óskum öllum gleðilegs nýs árs og þökk öllum þeim sem studdu við og tóku þátt í plastlausum september. 
Ánægð að geta keypt vínber í bréfpoka svona á síðasta degi ársins. #plastlausseptember #plastlaus
  • Sævari Helga er umhugað um umhverfið og tók þátt í plastlausum september í ár
  • Á Facebook og Instagram síðunni Minna sorp; lærdómsferli fjölskyldu má finna vistvæn ráð fyrir jólin. Nú í nóvember birtist eitt ráð á dag og verða þau því 30!
#vistvænjól
  • Borgarbókasafnið í Árbæ, er með tvær saumavélar og eina overlock vél. Þær er hægt að fá að nota á opnunartíma safnsins. Gert er ráð fyrir að notendur séu sjálfbjarga um notkun.

Þá er einnig haldið svokallað Saumakaffi fyrsta mánudag í mánuði, þá er í boði að fá aðstoð.

Hér er tilvalið tækifæri til að gera við föt eða breyta flík í eitthvað annað.

Hér var ónýtum bómullarbolum breytt í fjölnota hreinsiskífur.
Glasið er kertaglas sem fær nú nýtt hlutverk og var einnig notað til að sníða eftir.

#plastlaus #plastlausseptember

Instagram @ plastlausseptember