Press Enter / Return to begin your search.

Líklega eru matarinnkaup stærsta uppspretta einnota plasts sem fellur til á íslenskum heimilum. Hér eru nokkur ráð til að draga úr því:

  • Notum margnota poka í stað plastpoka eða pappakassa við innkaupin.
  • Veljum vöru í pappaumbúðum frekar en plastumbúðum.
  • Sleppum því að setja grænmetið í plastpoka í grænmetisdeildinni eða tökum með okkur margnota poka að heiman.
  • Veljum grænmeti og ávexti sem er ekki pakkað í plast.
  • Kaupum stærri einingar ef við getum. Þá er hlutfall umbúðanna yfirleitt minna miðað við innihaldið. Á sama tíma þurfum við að varast það að kaupa meira en við þurfum og stuðla þannig að matarsóun.
  • Veljum mjólkurvörur í fernum en ekki í plasti.
  • Verslum það sem hægt er í eigin umbúðir, þ.e. farðu með eigið ílát og láttu fylla á, fleiri og fleiri verslanir eru farnar að bjóða upp á áfyllingavörur.
  • Förum með eigin box í ís-, kjöt- og fiskbúðir og reynum að fá vöruna í þau í stað þess að þá hana í einnota plast- eða álboxum.
  • Verslum við fiskbúðir sem afhenda fiskinn í pappabökkum en ekki plastbökkum.
  • Veljum drykki í fernum frekar en í plastflöskum.

Ertu með ábendingu? Taktu þátt í umræðuhópnum um Plastlausan september á Facebook eða sendu okkur tölvupóst.