Press Enter / Return to begin your search.

Þann 1. september n.k. mun árvekniátakið Plastlaus september hefjast með opnunarhátíð í Ráðhúsi Reykjavíkur frá kl. 12-16. Í salnum verður markaður með plastlausar vörur auk kynningarbása þar sem hægt er að fá hugmyndir og fræðast. Klukkan 12 mun Guðmundur Ingi Guðbrandsson umhverfis- og auðlindaráðherra setja átakið og afhenda Bláskelina, nýja viðurkenningu fyrir plastlausa lausn. Einnig verða fræðsluerindi: Margrét Hugadóttir frá Landvernd og Björn Steinar og Brynjólfur frá Plastplani.

Þetta er kjörið tækifæri til að kynna sér fyrstu skrefin í minni plastnotkun og flokkun. Einnig geta þeir sem eru byrjaðir að minnka plastnotkun fengið hugmyndir að næstu skrefum.

Fræðsluaðilar: Evrópusambandið á Íslandi, Fatasöfnun Rauða krossins, Landvernd, Plastplan, Reykjavík Tool Library, Sorpa, Umhverfisstofnun og Ungir umhverfissinnar.

Söluaðilar á markaðnum eru: Ethic, Farvi, Fill Ísland, Fjölnota, Græn viska, JóGubúð, Kaja, Káti fílinn, Kímúra, klaran.is, Matarbúr Kaju, Mena, Mistur, Mjallhvít, Modibodi, Natursense, Nordic angan, PlanToys Ísland, Tropic.is, Urð og Vistvera. MUNUM EFTIR AÐ TAKA MEÐ ÍLÁT FYRIR UMBÚÐALAUSAR VÖRUR!

Við hvetjum þá sem geta til að koma með Strætó (stoppar í Vonarstræti og við Lækjartorg), á hjóli (hjólastæði í bílakjallara Ráðhússins) eða gangandi.

Aðgangur ókeypis og allir hjartanlega velkomnir.

  • Það er svo margt hægt að gera til að minnka plastið hjá smáfólkinu; taubleyjur og tauklútar, snuð úr gúmmíi,  glerpeli í sílikonslíðri og plastlausir plástrar á lítil " meiddi". Velja vönduð trèleikföng, ný eða notuð og njóta fjársjóða barnabóka hvort sem þær eru notaðar, nýjar eða ef bókasafninu. #plastlaus #plastlausseptember #breytumtilhinsbetra
  • Mælum með að skipta úr fljótandi sápu yfir í sápustykki. Getur sparað ótrúlega marga plastbrúsa!  #plastlaus #plastlausseptember #plasticfree  #plasticfreejuly
  • Það styttist í september...
  • Plastlaus morgunmatur- take away - on the go - gjöri þið svo vel 😊

#plastlausseptember #plastlaust
  • Einn af mörgum undirbúningsfundum fyrir Plastlausan september 2020
  • Til að minnka plast eru fjölnota brúsar,  kaffimál og umbúðalaus kaup á tei og kaffi góðar leiðir. Hvaða fjölnota mál er í uppáhaldi hjá þèr?

Instagram @ plastlausseptember