Mörgum kann að finnast erfitt að geyma mat án þess að plast komi þar við sögu. Ýmsar leiðir eru þó færar.

  • Nýtum sultukrukkur og önnur ílát sem til eru á heimilinu undir matarafganga í stað þess að kaupa ný plastbox.
  • Geymum matarafganga í skál og leggjum disk yfir.
  • Geymum samlokur í efnispokum (fást m.a. hjá Bambus) eða pappa.
  • Fyrir ferðalagið má setja drykki á flöskur sem til eru á heimilinu í stað þess að kaupa nýjar.
  • Sleppum matarfilmunni og notum býflugnavaxfilmu í staðinn. Þær má kaupa t.d hjá Mistur og á klaran.is, en einnig má finna leiðbeiningar á netinu um hvernig má búa þær til.
  • Ef við notum rennilásaplastpoka, er ráðlegt að þvo þá eftir notkun og nota þá aftur og aftur.

Ertu með ábendingu? Taktu þátt í umræðuhópnum um Plastlausan september á Facebook eða sendu okkur tölvupóst.

Loka yfirliti